समितीचा संक्षिप्त इतिहास :

सर्वात पहिली समिती कै. श्री सदाशिव कान्होजी पाटील, माजी केंद्रीय रेल्वेमंत्री यांच्या मार्गदर्शनाखाली स्थापन झाली. समितीची पहिली सभा दि. २१ जानेवारी १९७८ रोजी वांद्रे येथे संपन्न झाली व खालील कार्यकारी मंडळ सभासद निवडले गेले.

समितीच्या स्थापनेमुळे मंदिर व्यवस्थापनामध्ये सुसूत्रता येऊन मंदिराजवळ सोयी सुविधा निर्माण होण्यास मदत झाली. संस्थापनापासूनच समितीने सर्व जाती जमातीतील, कोणत्याही प्रांतात राहणाऱ्या देवीभक्तांना एकत्र आणून, तसेच आंदुर्ले व इतर गावातील नागरिकांना हाताशी धरून एक सर्वसमावेशक कार्यपद्धती निर्माण केली व देवीभक्तीचा प्रसार करण्याबरोबरच समाजाच्या तसेच विद्यार्थ्यांच्या सामाजिक उन्नतीसाठी खास प्रयत्न केले.

समितीने वेळोवेळी केलेल्या कामांपैकी काही महत्वपूर्ण घटना खाली नमूद केल्या आहेत. या सर्व कामांमध्ये समितीला प्रमुख भक्तगण, आंदुर्ले ग्रामपंचायत, नागरिक तसेच अनेक मान्यवर नागरिकांकडून योगदान मिळाले. पश्चिम महाराष्ट्र देवस्थान समितीच्या अधिकाऱ्यांनी ही समितीला वेळोवेळी मार्गदर्शन आणि सहयोग दिला.